علاش الضيعو في الوقت؟

السلام عليكم
نبي انقوللكم حاجة اكيد توا النتيجة يوم الاحد وانشاء الله كلنا ناجحيين
لكن شني اديرو في العطلة الصيفية شني تتفرجو علي المسلسلات التركية ولا اتمارسو نوع من الرياضة
بالنسبة ليا هذا اقتراح نعطيه للولاد : ان في الصيف يخشو صالة حديد { بناء اجسام } اني واحد منهم خاش فيها على االاقل ديرو اجسام شوية مش تبدو كتافكم زي البنات ... وباش يا مهبلة ايشدو معاكم البنات اكثر الي تشبحك اتقول فاندام....
وانتو يا بنات خشو حديد .... قصدي خشو نادي لانقاص الوزن احسنلكم من السمن الزايد الي انتو فله رايحين زي الفقمات
ولا عاونو امهاتكم .... ولا طيبو الغداء .... ولا خشو دورة تعليم الطبخ ...باش حتى لما تتزوجو يقولو هذه البنت فالحة مش بايرة
وانتم هاتو وجهت نظركم
اتصلو على 0900
قصدي اكتبو الردود

انا يامان من ايام القراسة خاش في الصالة متع الحديد لطن ما ستمريتش فيها قعدة شهر واحد وسيبت لانه وقتها مش مناسب
نروح من المدرسة الساعة 3 ونمشي الساعة 4 ونص ونروح حوالي الساهة 8 نفخ للمليون يامان
لكن إن شاء الله بنشدها صالة من اول مانروح لي ليبيا يعني يوم الاتنين الجاي
بيس
منورين

انشاء الله اتجي بالسلامة يا رابر

منور يا خوي